Istiqbolli loyihalar milliy agentligi ayrim sug‘urta tashkilotlariga nisbatan jarima sanksiyalarini qo‘lladi. Bu haqda agentlik matbuot xizmati xabar berdi.
O‘zbekiston prezidentining 2023-yil 2-sentyabrdagi “Kapital bozorini rivojlantirishning qo‘shimcha chora-tadbirlari to‘g‘risida”gi qarorida belgilangan sug‘urta bozorini nazorat qilish bo‘yicha vazifa va funksiyalarini amalga oshirish doirasida 8 ta sug‘urta tashkilotiga nisbatan jarima sanksiyalari qo‘llanilgan.
Jumladan, sug‘urta tashkilotlarining moliyaviy ko‘rsatkichlarini o‘rganish natijalariga ko‘ra, qonunchilik hujjatlarida belgilangan me’yorlarga rioya qilmaslik faktlari aniqlanib, buning natijasida 254,5 million so‘m miqdorida jarima solingan.
Ma’lumot uchun, 2017-yilda O‘zbekistonda 27 ta sug‘urta kompaniyasi faoliyat olib borgan bo‘lsa, 2022-yilda ularning soni 51,8 foizga oshib, 41 taga yetgan. 2022-yilda mijozlar uchun sug‘urta to‘lovlarining umumiy miqdori 2,6 trillion so‘mni tashkil qildi va bu 2017-yildagiga nisbatan 9,6 baravar ko‘p.
Izoh (0)