Икки алоҳида давлат тузиш орқали Фаластин—Исроил можаросига барҳам бериш мумкин. Бу ҳақда Туркия президенти Ражаб Тоййиб Эрдўғон франциялик ҳамкасби Эммануэл Макрон билан телефон мулоқоти чоғида маълум қилди, деб ёзади “ТАСС”.
Унинг сўзларига кўра, Ғарб давлатлари Фаластин—Исроил можаросидаги кескинликни камайтириш чораларини кўриши керак.
“Президент Эрдўғон Ғазода тинч аҳолига нисбатан инсон ҳуқуқлари поймол қилинишини қабул қилиб бўлмаслигини ва Туркия уларга ёрдам етказиш учун ҳаракат қилаётганини айтди.
Шунингдек, Эрдўғон, айниқса, Ғарб давлатлари тарангликни камайтириш учун чора кўриши кераклигини ва тинчликка хизмат қилмайдиган саъй-ҳаракатлардан қочиши кераклигини айтди”, — дейилади Туркия президенти девони томонидан эълон қилинган хабарда.
Изоҳ (0)