Бразилия президенти Лула да Сильва ўз фуқароларини Ғазо секторидан эвакуация қилиш учун президент самолётини жўнатди. Бу ҳақда “РИА Новости” хабар берди.
Президент самолёти 12 октябрь куни кечқурун ҳавога кўтарилди. Самолётда 40 та йўловчи ўриндиғи мавжуд. 22 нафар Бразилия фуқароси эвакуация қилишни сўраган, улардан 13 нафари ҳозирда Ғазо секторидаги католик мактабидаги бошпанада жон сақламоқда.
Парвоз Римга режалаштирилган бўлиб, у ерда самолёт Ғазо секторидан Мисрга гуманитар коридор очилишини кутади.
Аввалроқ Лула да Сильва ҲАМАСни гаровга олинган болаларни озод қилишга, аёллар ва болаларга Ғазо секторини тарк этишга рухсат беришга чақирганди.
Изоҳ (0)