Хоразм вилояти Хива шаҳридаги мактабларнинг бирида директор имтиҳонга кеч келган ўқувчини калтаклади. Бу ҳақда вилоят мактабгача ва мактаб таълими бошқармаси ахборот хизмати хабар берди.
Унга кўра, 6-сонли мактаб директори 2023 йилнинг 1 май куни давлат имтиҳонига кечикиб келгани учун фуқаро Г.I.нинг неварасини калтаклаган. Бу ҳолат директор томонидан тўртинчи марта такрорланаётгани таъкидланган.
Ҳолат вилоят мактабгача ва мактаб таълими бошқармаси ишчи гуруҳи ҳамда тегишли ваколатли ташкилот вакиллари ҳамкорлигида ўрганилди. Лавозим вазифаларини етарли даражада бажармагани, ўз иш фаолиятида эътиборсизлик ва масъулиятсизликка йўл қўйгани учун Хива шаҳар 6-сонли мактаб директорига нисбатан ҳайфсан интизомий жазо чораси қўлланди.
Изоҳ (0)