Голливуд актёри Леонардо Ди Каприо ва Amazon асосчиси Жефф Безос Aмазонкадаги тропик ўрмонлар ҳимоясини кучайтириш учун маблағ ажратди. Бу ҳақда “Корреспондент.нет” хабар бермоқда.
Ди Каприо ва Безос сайёрани ҳимоя қилиш лойиҳаси доирасидаги ушбу мақсадларга 200 миллион доллар ажратган.
Бу маблағлар Aмазонияда дарахтлар кесилишининг олдини олиш ҳамда Бразилиянинг барқарор “яшил” иқтисодга ўтишини тезлаштириш мақсақларида келгуси тўрт йил давомида ишлатилиши режалаштирилган.
“Бизга Бразилиянинг ёввойи табиат учун ер юзидаги энг муҳим жойлардан бири — Aмазонкани ҳимоя қилиш бўйича мақсадлари маъқул келди. Шунинг учун ъСайёрамизни ҳимоя қиламизъ, лойиҳаси доирасида ушбу ҳаракатларни қўллаб-қувватлай олишимиздан хурсандмиз”, — дейди Ди Каприо.
Безоснинг Ер фонди бошқарувчиси Кристиан Сампер ҳам Aмазонканинг экотизимдаги муҳим аҳамиятини қайд этиб ўтди.
“Aмазонка иқлим ва био хилма-хиллик келажагида муҳим рол ўйнайди, шунинг учун биз Бразилия ҳукуматининг уни асраб-авайлаш бўйича ҳаракатларини қўллаб-қувватлаймиз”, — дейди у.
Изоҳ (1)
Hats of to both of them.