Озарбайжонда ўтказилаётган Ўзбекистон маданият кунлари доирасида бир гуруҳ ўзбекистонлик санъаткорлар тақдирланди. Бу ҳақда Ўзбекистон маданият вазири Озодбек Назарбеков ўзининг Telegram каналида маълум қилди.
.jpg)
Хусусан, Ўзбекистон халқ артисти Насиба Абдуллаевага Озарбайжон халқ артисти, Ўзбекистон халқ артисти Абдуҳошим Исмоилов ҳамда Ўзбекистонда хизмат кўрсатган артист Камолиддин Ўринбаевга “Дўстлик” ордени берилди.
.jpg)
“Бу нафақат Озарбайжон давлатининг ўзбек санъаткорларига бўлган эътибори, балки озар халқининг ўзбек халқига бўлган меҳри ва ҳурмати ифодаси, десам хато бўлмайди.
Мукофотланганларни яна бир бор қутлаб, ўзбек санъати ва маданиятини дунёга кенг ёйишда қўшган ва қўшаётган ҳиссалари учун самимий миннатдорлик билдираман”, — дейди маданият вазири.
.jpg)
Изоҳ (0)