Ламин Ямал “Порту”га қарши ўйин вақтида ўзини ёмон ҳис қилиб, майдонни тарк этган ва ортга қайтмаган. “Барселона” деярли ўн дақиқа 10 киши бўлиб ҳаракатланишга мажбур бўлган 

Футбол бўйича ЕЧЛ гуруҳ босқичида 2-турида “Барселона” сафарда “Порту” устидан 1:0 ҳисобида ғалаба қозонди.

16 ёшли Ламин Яма каталонияликларнинг асосий таркибида майдонга тушди.

71-дақиқада Ламин ўзини ёмон ҳис қилиб, майдонни тарк этган. Ҳожатхонага кетган Ямал майдонга қайтмаган. 80-дақиқада унинг ўрнига Маркос Алонсо майдонга туширилган. Деярли 10 дақиқа “кўк-анорранглилар” 10 киши бўлиб ҳаракатланган.

Бош мураббий Хави бу вазиятга изоҳ бераркан: “Ламин Ямал ўзини ёмон ҳис қилди. У бир неча бор менга қорнида оғриқ борлигини айтаётганди. Ўйинда танаффус бўлганидан фойдаланиб, унга рухсат бергандим ва тез қайтишини таъкидлагандим. Бироқ, кейинчалик у майдонга туша олмаслигини хабар қилишди”, — деди.