“Барселона” “Негрейра иши”да айбдор деб топилса, банкрот бўлади.
Аввалроқ, Барселона суди (RFEF) ҳакамлар қўмитаси вице-президенти Энрикес Негрейрадан ташқари унинг ўғли ҳамда Каталония клубининг собиқ президентлари Хосеп Бартомеу ва Сандро Роселлар устидан иш очгани хабар қилинганди.
The Telegraph нашрининг хабарига кўра, агар Негрейра ва унинг ўғли, шунингдек, Бартомеу ва Роселнинг айби исботланса, улар 3 йилдан 6 йилгача озодликдан маҳрум қилинади.
“Барселона” эса футболдан четлатилади. Агар бу содир бўлса, клуб 124 йиллик тарихида илк бор банкрот деб эълон қилинади.
“Негрейра иши”да нималар бўлаётгани ҳақида қисқача: жорий йилнинг февраль ойида “Барселона” 3 йил давомида Испания футбол федерацияси (RFEF) ҳакамлар қўмитаси вице-президенти Энрикес Негрейрага пул тўлаб келгани аниқланган. Каталон клубининг ўзи Негрейрага ҳакамлар бўйича ҳисоботлар учун пул тўлаганини тасдиқлаган.
Қайд этилишича, Негрейра 2001 йилдан бери каталон клубидан камида 7,3 миллион евро пул олган, аммо суд фақат охирги ўн йилликдаги ўтказмалар бўйича иш олиб борган.
Изоҳ (0)