Наманган вилоятининг Норин туманидаги текстиль корхоналаридан бирида ходимларнинг заҳарланиши кузатилди. Бу ҳақда “Дарё” мухбири Азизбек Абдувалиев хабар бермоқда.
Корхона ходимлари туман тиббиёт бирлашмасига келтирилган ва текширувдан ўтказилган.
Норин туман тиббиёт бирлашмаси раҳбари Наима Холмирзаева
Фото: Асилбек Абдувалиев
Беш нафар беморда заҳарланиш аломатлари кузатилган. Уларнинг ҳамкасблари ҳам бундан хавотирланиб касалхонага келган, лекин текширувлар давомида уларда нохуш ҳолатлар аниқланмади ва уйларига қайтарилди. Беморларнинг қон таҳлиллари олинган, натижалар чиққанидан сўнг яна қўшимча маълумот бериш мумкин, — дейди тиббиёт бирлашмаси раҳбари Наима Холмирзаева.
Фото: Асилбек Абдувалиев
Ҳодиса корхона ёнида жойлашган газ қуйиш шохобчаси билан боғлиқ бўлиши мумкинлиги айтилмоқда. Бу ерда олиб борилган таъмирлаш ишлари чоғида газ сизиши рўй берган ва ходимларнинг заҳарланишига сабаб бўлган.
Фото: Асилбек Абдувалиев
Ҳозирда ҳолат юзасидан текширув ишлари олиб борилмоқда.
Изоҳ (0)