“Ipak yo‘li durdonasi” XV Toshkent xalqaro kinofestivali doirasida Gollivud yulduzi Kevin Speysi O‘zbekistonga tashrif buyurgani to‘g‘risida xabar berilgandi. New York Post’ning yozishicha, amerikalik aktyor yurak xuruji gumoni bilan Toshkentdagi shifoxonaga yotqizilgan.
Qayd etilishicha, Kevin Speysi kinofestivalda chap qo‘li ishlamay qolgani tufayli zudlik bilan shifoxonaga yotqizilgan. Ikki karra “Oskar” sohibida yurak xuruji gumonlangan, biroq MRT tekshiruvlaridan keyin bu o‘z tasdig‘ini topmagan va shifokorlar uning salomatligi joyida ekanini ma’lum qilgan.
Kechga borib, u festival sahnasida ko‘rinish bergan va yig‘ilganlarga sog‘lig‘i “yaxshi” ekanini aytgan. “Bu voqea hayot har birimiz uchun qanchalik nozik ekani haqida o‘ylab qolishimga sabab bo‘ldi”, — degan Speysi.
Speysi zamonamizning mashhur aktyorlaridan biri. U “Amerikacha go‘zallik” filmidagi roli uchun, shuningdek, “Gumondor shaxs” filmi uchun “Oskar” mukofotini qo‘lga kiritgan.
Kevin Speysi, shuningdek, AQSH aktyorlari gildiyasi, BAFTA, Oltin globus va Toni mukofotlari bilan taqdirlangan. Uning House of cards, “Ka-Peks sayyorasi”, “Los-Anjeles siri”, “Muzokarachi”, “Devid Geylning hayoti”, “Yetti” va eng yaxshi kinolari qatoriga kiradi.
Izoh (0)