Фильм яратиш жараёни осон иш эмас. Худди шу нарса энг даромадли фильм франшизаларидан бири — “Гарри Поттер”га ҳам тегишли.
Mинерва Макгонагалл — 28 дақиқа 45 сония
Экранда ўтказган вақт миқдори бўйича рейтингда 10-ўринда қаттиққўл ва адолатли ўқитувчи Mинерва Макгонагалл жойлашган. Гарри узоқ кутилган сеҳргар бўлишига қарамай, унга алоҳида муносабатда бўлмайди: у ҳам бошқалар каби жазо олади. Қимматбаҳо супурги совға сифатида нафақат навбатдаги жасорати учун, балки у Хогварцдаги энг қобилиятли ўйинчи бўлганлиги учун ҳам берилади.
Жинни Уизли — 30 дақиқа 15 сония
Жинни Уизли Mинерва Макгонагаллдан бор-йўғи бир ярим дақиқа олдинда. Кўплаб мухлислар Жинни экрандаги образидан мамнун эмас. Уларнинг фикрича, унга нисбатан Гаррининг севгиси кутилмаганда пайдо бўлган, олдин уятчан қарашлардан бошқа ҳеч нарса бўлмаган.
Бундан ташқари, Жинни фильмда Жоан Роулинг китобларида тасвирлаганидек, лидер сифатида эмас, балки юмшоқ табиатли қиз қилиб кўрсатилган.
Драко Малфой — 31 дақиқа 45 сония
Драко Малфой кинодаги энг яхши антиқаҳрамонлардан бири. Қайсидир маънода уни “Тахтлар ўйини” фильмидаги Жоффри билан солиштириш мумкин. Аммо Драко Малфой болалигидан оиласини ҳимоя қилишни хоҳлайдиган ва бунинг учун даҳшатли ишларни қиладиган йигит сифатида тасвирланади. Бироқ у ҳар сафар энг охирида тўхтайди, чунки у нотўғри иш қилаётганини тушунади.
Волдеморт — 37 дақиқа 15 сония
Волдеморт Гарри Поттернинг ёвуз кучлар билан тўқнашувидан кўра унинг вояга етганига кўпроқ эътибор қаратиладиган “Азкабан маҳбуси”дан ташқари барча фильмларда намоён бўлади. Қолган фильмларда Волдемортни беш хил актёр ижро этган: Франк Дилландан тортиб Ралф Файнсгача.
Эътиборлиси, “Тилсим шаҳзода”да ёш Том Риддл ролини Ралф Файнснинг жияни Хиро Файнс Тиффин ижро этган.
Северус Снейп — 43 дақиқа 15 сония
Агар Драко Малфойни энг яхши антиқаҳрамонлардан бири деб аташ мумкин бўлса, унда Северус Снейп, эҳтимол, Жейм Ланнистер, Локи ва бошқалар билан бир қаторда туради. Бу фақат Жоан Роулингнинг хизмати эмас, чунки кўпчилик Алан Рикманнинг беқиёс ижросини ва бетакрор образини эътироф этади.
Рубеус Ҳагрид — 45 дақиқа 45 сония
Энг кўп кўринган бешта қаҳрамондан бири — Рубеус Ҳагрид. У бошидан охиригача Гарри Поттер билан бирга бўлади. Рубеус уни Сириус Блекнинг мототциклида холаси ва амакисининг олдига олиб келади, “Ажал туҳфалари”нинг иккинчи қисмида эса унинг жасадини Хогварцга олиб келади. Тўғри, бир неча дақиқадан сўнг ҳамма тананинг жонсиз эмаслигини пайқайди.
Робби Колтрейн ҳар доим Хагрид ролини фаолиятидаги энг яхшиларидан бири деб ҳисоблаган. “Ҳикматлар тоши”дан олдин у асосан ёмон одамларни ўйнаган, аммо бу сафар унга меҳрибон баҳайбат одам образи ишониб топширилган.
Албус Дамблдор — 77 дақиқа 15 сония
Дастлабки иккита фильмда Албус Дамблдор ролини Ричард Харрис ижро этган. Қизиғи шундаки, дастлаб у бу ролни ўйнашни хоҳламайди, лекин набираси агар шу ролни ўйнамаса, у билан гаплашмаслигини айтади. “Махфий ҳужра” фильмининг суратга олиш ишларигандан сўнг, Ричард қаттиқ касал бўлиб қолади, шундай бўлса-да “Азкабан маҳбуси” фильмида ўйнашига умид қилади. У режиссёрдан ўрнига бошқа актёр қидирмасликни сўрайди, афсуски Харрис иккинчи фильм премьераси олдидан вафот этади.
Унинг ўрнига Майкл Гамбон тасдиқланади, уни Дамблдор мухлислари унчалик ёқтиришмайди. Ҳаммаси биринчи иккита фильмдаги Албусдан жуда фарқ қиладиган кўринишдан бошланади. Ва буларнинг барчаси қаҳрамоннинг феъл-атвори билан якунланади, у кўп кадрларда китоблардагидан бошқача ифодаланган.
Маълум бўлишича, сабаб оддий эди: Майкл Гамбон “Гарри Поттер” китобларини ўқишдан бош тортган, чунки у сценарий унга керакли барча маълумотларни бериши мумкинлигига ишонган.
Гермиона Гренжер — 205 дақиқа
Экранда уч соатдан кўпроқ вақт Эмма Уоцон ўйнаган Гермионага кетади. Дастлаб актриса у ва унинг қаҳрамони ўртасида ҳеч қандай умумийлик йўқ деб ҳисоблайди, лекин тез орада у ва мухлислар бунинг аксига ишонч ҳосил қилишади. Уоцон таълим олиш учун франшизани тарк этмоқчи бўлганида фильм ижодкорлари уни олиб қолишга муваффақ бўлишади.
Рон Уизли — 211 дақиқа 45 сония
Гермиона Рондан атиги 6 дақиқа 45 сония ортда қолган. Эмма сингари Руперт Гринт ҳам фильмдаги қаҳрамонининг аниқ нусхаси. Режиссёрлардан бири ёш актёрлар билан учрашганда уларга ўз персонажлари мавзусида иншо ёзишларини сўрайди. Эмма кўп саҳифали матн яратади, Дэниэл бир варақ иншо ёзади, Руперт эса ҳеч нарса ёзмай келади. У буни Рон ҳам иншо ёзишни хоҳламаслиги билан изоҳлайди.
Гарри Поттер — 539 дақиқа 15 сония
Дастлабки икки фильм режиссёри Крис Коламбус узоқ вақт давомида Гарри Поттер ролини ижро этиш учун актёр қидираётган эди. У жуда кўп номзодларни кўриб чиқади. Мегги Смит ва Дэниэл Радклифф ўйнаган икки қисмли “Девид Копперфилд” фильмини тасодифан томоша қилгандан кейин аниқ қарорга келади. Шундан сўнг Редклиффнинг ота-онасидан рухсат олишга анча вақт кетади. Улар ўғлини узоқ вақт давом этадиган франшизада ўйнашини хоҳлашмайди, чунки айни пайтда фарзанди учун таълим олиш муҳим, деб ҳисоблашади. Улар турли имтиёзлар, жумладан, суратга олиш ишлари Америкадан Буюк Британияга кўчирилгандан кейингина келишиб олишади.
Изоҳ (0)