Жунайд Хон — таниқли ҳинд актёри Амир Хон ва унинг биринчи рафиқаси Рина Даттанинг ўғли. Отаси иккинчи никоҳи — Киран Раога уйлангач, Ира исмли синглиси ва Азад Рао Хон исмли укаси дунёга келган.
Амир биринчи хотинига жуда эрта уйланади. Ўша пайтда унинг кино карьераси эндигина бошланган эди ва бу никоҳ узоқ вақт давомида оммадан яширилган. Кўп ўтмай Рина ва Амир икки фарзанднинг ота-онаси бўлишади: ўғли Жунайд ва қизи Айра.
Болалар суратга олиш майдончасидан ташқарида катта бўлишган, чунки оналари оммавий ахборот воситаларининг эътиборини ёқтирмаган. Ҳатто Амирнинг содиқ мухлислари ҳам унинг фарзандлари неча ёшда ва қачон туғилганини билишмасди.
Жунайд 1993 йил 2 июнь куни туғилгани яқинда маълум бўлди. Йигит Болливудда дебют қилди, шунинг учун у ўз таржимаи ҳолига оид баъзи фактларни оммага ошкор этишга қарор қилди.
Машҳур ота-оналарнинг фарзандлари ҳақида ёзилганда “Нега юлдузларнинг болалари кино саноатига киришади? Улар учун бошқа касб йўқми?” дейишади. Аммо гап шундаки, бу болаларнинг аксарияти ота-оналарининг компания ва студияларини мерос қилиб олишади.
Ҳиндистоннинг энг бой одами Амбанининг болалари ҳам бизнес таълимини олиб, оилавий бизнесга қўшилишди. Агар улар оталарининг ишини давом эттирмасалар, бу аҳмоқлик бўларди. Хўш, нега актёрларнинг фарзандлари ота меросини давом эттира олмайди?
Жунайд Хон Мумбайдаги Халқаро мактаб ва Савдо-иқтисод коллежини тамомлаган. Шундан сўнг у Лос-Анжелесдаги Америка драматик санъат академиясида ўқиб келди.
Ҳиндистонга қайтиб, у отасининг бир нечта фильмларида биргаликда ишлайди ва “ПК” фильмида режиссёр Ражкумар Хиранига ёрдамчилик қилди.
Ўтган йили Амир Хон интервьюларидан бирида ўғли Жунайднинг “Лаал Сингх Чаддҳа” (2022) фильмида бош ролни ўйнашини жуда хоҳлаётганини айтди, бироқ продюсер Адитя Чопра ва сценарий муаллифи Атул Кулкарни бунга қарши чиқди.
Уларнинг фикрича, “Форрест Гамп”нинг ҳиндча ремейкида юлдуз актёр ўйнаши керак. Янги актёр бу ролни уддалай олмасди, шунинг учун улар Амирнинг ўзи персонажни ўйнашини талаб қилишди.
Жунайд бу пайтда учта янги лойиҳани имзолади. Улардан асосийси — Шарвари ва Шалини Пандей билан биргаликда суратга олинган “Маҳараж” фильми. “Маҳараж” YRF ва Netflix ўртасидаги яқин ҳамкорликнинг бошланишини англатади
Яна бир лойиҳа — Шридевининг қизи Кхуши Капурнинг севгилиси ролида тамил тилидаги “Бугунги севги” фильмининг ҳиндча ремейкида ўйнади. Яна бир лойиҳа эса ҳозирча номланмаган, аммо унда Саи Паллави билан жуфтлик ролини ўйнайди.
Ижтимоий тармоқларда Жунайд Хон дебют қилиш учун жуда қари ва умуман ёшидан каттароқ кўринади деган фикр тез-тез учраб туради. Айтганча, у ҳали уйланмаган, лекин у билан бир коллежда ўқиган Сонам Варма исмли қиз билан учрашиб юради.
Изоҳ (0)