Франциялик мутахассис Зинедин Зидан битта шарт билан “Марсель” бош мураббийига айланиши мумкин.
France Blue нашрининг хабарига кўра, бир неча ҳафта олдин 51 ёшли мутахассис Саудия Арабистони вакиллари билан музокаралар ўтказган ва улар француз клубини сотиб олса, бош мураббий бўлишга тайёрлигини маълум қилган.
Саудияликлар тез орада “Марсель”ни “француз Ньюкасли” қилиш истагида ва Зиданни бош мураббий сифатида олиб келмоқчи. Клубга трансферлар учун 300 миллион евро ажратилади.
Бироқ, “Марсель”нинг ҳозирги хўжайини Фрэнк Маккорт клубни ҳали сотиш истагида эмаслигини маълум қилган. Маккорт 7 йил олдин француз жамоасини 45 миллион еврога сотиб олганди.
Зиданга “Реал” ва “Ювентус” ҳам қизиқиш билдирмоқда.
Эслатиб ўтамиз, Зинедин 2016 йилдан 2018 йилга қадар ва 2019 дан 2021 йилга қадар “Реал” бош мураббийи сифатида фаолият олиб борган. Унинг қўл остида жамоа уч марта Чемпионлар Лигасида, икки марта Испания чемпионатида зафар қучган.
Изоҳ (0)