“Толибон” делегациясининг уч нафар аъзоси Москва супермаркетида паспортларини йўқотиб қўйди. Бу ҳақда “Известия” хабар берди.
“Толибон” вакиллари Афғонистон бўйича Москва форматидаги маслаҳатлашувлар йиғилишида иштирок этиш учун Москвага етиб келган ва “Президент-отель” меҳмонхонасига жойлашган. 28-сентябр куни делегация аъзоларидан бири харидни амалга ошириш учун “Европейский” савдо марказига борган.
Эркак ўзи билан бирга уч ҳамкасби, жумладан, Ташқи ишлар вазирлиги матбуот котиби ўринбосари Зия Аҳмад Такалийнинг паспортлари бўлган ҳамённи олиб, уларни “Перекресток” дўконида йўқотиб қўйган. Шаҳар полицияси ҳужжатларни қидиришни бошлаган. Паспортини йўқотган шахс сўроққа тутилган, аммо ҳозирча қидирув ишлари натижа бермаган.
Изоҳ (0)