Жанубий Африка Республикаси (ЖАР) пойтахти Йоханнесбургдаги бизнес округида содир бўлган ёнғин оқибатида 73 киши ҳалок бўлди, 50 дан ортиқ одам жароҳатланди. Бу ҳақда Тhе Guardian хабар берди.
Дастлаб маҳаллий ҳукумат 56 киши ҳалок бўлгани ва 40 дан ортиқ киши жароҳат олганини айтган. Кейинчалик қурбонлар сони ошган. Ёнғин бошпанасизлар яшаётган қаровсиз беш қаватли бинода маҳаллий вақт билан соат 02:30 ларда бошланган.
Бино ичида кулбалар ва чодирлар ўрнатилгани ўт ўчирувчилар ва қутқарувчиларнинг ишини қийинлаштирган, шунингдек, одамларнинг бинони тезда тарк этишига тўсқинлик қилган.
Ҳалок бўлганлар орасида етти нафар бола бор, уларнинг энг кичиги бир ёшда. Гувоҳларнинг сўзларига кўра, бинода 200 га яқин одам бўлган бўлиши мумкин.
Ҳозирда ёнғин ўчирилган. Қутқарувчилар вайроналарни тозалаш ва қидирув-қутқарув ишларини давом эттирмоқда. Ёнғинга нима сабаб бўлгани воқеани ўрганиш жараёнида аниқланади.
Изоҳ (0)