Қозоғистон Россиядан 5 миллиард киловатт-соатга яқин электр энергияси олиши мумкин. Бу ҳақда Sputnik хабар берди.
Россиянинг Inter RAO энергетика компанияси йил охиригача республикага электр энергияси етказиб беришни режалаштирмоқда. Россияда электр энергетика бозорининг устувор йўналишларига бағишланган “Бозор кенгаши” конференцияси доирасида компания вакиллари Қозоғистонга электр энергияси етказиб бериш ҳажми бўйича прогнозларини эълон қилди.
“Қозоғистонга салкам 5 миллиард киловатт-соатдан электр энергияси етказиб бериш режалаштирилган”, — дейди электр энергияси компанияси вакили Александра Панина.
Бундан ташқари, Панина, умуман олганда, Inter RAО бир гигаватт Россия электр энергиясини жанубга экспорт қилиши мумкинлигини қўшимча қилди.
Изоҳ (0)