25 сентябрга ўтар кечаси Россия қўшинлари Одесса вилоятига учувчисиз учоқлар, шунингдек, “Калибр” ва “Оникс” ракеталари билан ҳужум қилди. Украина Қуролли кучлари Ҳарбий-ҳаво кучлари қўмондонлигига кўра, дронлар Краснодар ўлкасининг Приморско-Ахтарск шаҳридан, “Калибр”лар эса Қора денгиздаги кичикроқ ракета кемасидан ва сувости кемасидан, “Оникс”лар Севастопол ҳудудидан учирилган.
Жами 19 та дрон, 12 та “Калибр” қанотли ракеталари ва иккита “Оникс” ракетаси учиб келган. Дронларнинг барчаси ва 11 та “Калибр” уриб туширилган.
Қолган ракеталар порт инфратузилмасига зарар етказди. Жумладан Одессадаги денгиз станцияси катта зарар кўрди, дон омборлари вайрон бўлди. Хизмат кўрсатмайдиган “Одесса” меҳмонхонаси ёниб кетди. Қурбонлар ҳақида маълумотлар йўқ.
Уриб туширилган ракета ва дрон қолдиқлар Одесса чеккасидаги омбор ва хусусий уйга зарар етказди.
Июль ойида Россия Қора денгиздаги портлардан дон экспорт қилиш бўйича битимдан чиққанидан рус қўшинлари Одесса вилоятига деярли ҳар куни учувчисиз учоқлар ва ракета ҳужумларини уюштирмоқда. Ҳужумларнинг нишони порт инфратузилмаси объектлари ҳисобланади.
Изоҳ (0)