25 сентябрь куни Япон денгизида Жанубий Корея ва АҚШ ўртасидаги қўшма денгиз машқлари бошланди, деб хабар бермоқда Yonhap агентлиги мамлакат ҳарбий-денгиз кучларига таяниб.
“Ушбу машғулотлар Шимолий Кореянинг ядро ва ракета таҳдидларини самарали тўхтатиб туриш ва уларга жавоб бериш қобилиятини намойиш этади. Улар биргаликда мудофаа позициясини янада мустаҳкамлайди”, — деди Жанубий Корея адмирали Ким Ин Хо баёнотида.
Сувости кемаларига қарши уч кунлик жанговар машқларда ҳар икки томондан тўққизта кема ва иккита патрул самолёти, жумладан Жанубий Кореянинг иккита сувости кемаси ва Юлгок Йи I эсминеци, АҚШнинг Aegis ракетага қарши мудофаа қирувчиси, Шоуп эсминеци ва Роберт Смаллс крейсери иштирок этади.
Yonhap КХДР яқинда янги тактик ядро сувости кемасини ишга туширганини эслатди. Кема Шимолий Корея “денгиз кучларининг асосий сувости ҳужум қуролларидан бири сифатида жанговар миссияни бажаради”.
Изоҳ (0)