Санитария-эпидемиологик осойишталик ва жамоат саломатлиги қўмитаси бошлиғи ўринбосари Нурмат Отабеков АОКАда бўлиб ўтган матбуот анжуманида жорий йил давомида овқатдан заҳарланиш бўйича йирик ҳолатлар ҳақида маълумот берди.
Таъкидланишича жорий йилнинг ўтган 8 ойи давомида 39 та ҳолатда гуруҳли заҳарланиш қайд этилиб, уларда 414 нафар фуқаро жабрланган, уларнинг 86 нафарини болалар ташкил этади.
Самарқанд вилояти
Ургут туманидаги тўйхоналарнинг бирида 136 нафар шахс жабрланган. Тўйда уй шароитида тайёрланган майонезли салат меҳмонларга тортилган ва заҳарланиш кузатилган. Заҳарланганлардан 7 нафарини болалар ташкил қилади. Беморларга овқат токсиникфекцияси ташхиси қўйилган.
Яна бир ҳолатда Самарқанд шаҳридаги тез тайёрланувчи овқатлар сотувчи ошхонада уй шароитида тайёрланган, сақлаш қоидаларига риоя этилмаган сабзи салатидан фойдаланилган. Натижада 49 нафар шахс овқат токсиникфекцияси ташхиси билан шифохонага ётқизилган. Жабрланганлардан 18 нафари болалардир.
Жиззах вилояти
Жиззах шаҳрида жойлашган ошхоналарнинг бирида хўрандаларга тортиқ этилган майонезли салат туфайли 63 нафар шахс жабрланган. Улар орасида 7 нафар бола ҳам бор. Беморларга овқат токсиникфекцияси ташхиси қўйилган.
Қашқадарё вилояти
Чироқчи тумани деҳқон бозори ҳудудидаги тез тайёрланувчи овқатлар савдоси билан шуғулланувчи шохобчадан овқатланган 11 нафар шахс жабрланган. Уларга ўткир ичак инфекцияси ташхиси қўйилган. Заҳарланганлар орасида 1 нафар бола рўйхатга олинган.
Тошкент шаҳар
Сергели туманидаги 600-мактабгача таълим ташкилоти (МТТ)га аутсор хизмат кўрсатувчи Good food catering МЧЖ томонидан озиқ-овқат маҳсулотларининг нотўғри сақланиши туфайли 12 нафар бола жабрланган. Бемор болаларга гуруҳли ўткир диарея ташхиси қўйилган.
Тошкент вилояти
Ангрен шаҳридаги 10- МТТнинг ошхонаси санитария қоида ва меъёрларига зид равишда фаолият юритгани аниқланган. Боғчада сифати кафолатланмаган маҳсулотлардан фойдаланганлик оқибатида 27 нафар бола жабрланган. Уларга гуруҳли овқатдан заҳарланиш ташхиси қўйилган.
Изоҳ (0)