Ўзбекистондаги айрим шаҳар ва туман судлари раисларининг иш жойи ўзгарди, икки судья эса лавозимдан олинди

Судьялар олий кенгашининг навбатдаги йиғилишида айрим судьяларни ушбу лавозимда бўлишининг навбатдаги муддатига, айримларини ваколати муддати даврига қайта тайинлашга оид масалалар муҳокама қилинди. Бу ҳақда кенгаш матбуот хизмати хабар берди.

Қайд этилишича, кенгаш аъзолари томонидан айрим судьяларнинг ваколатларини муддатидан илгари тугатишга оид масала ҳам кўриб чиқлиб, тегишли қарорлар қабул қилинган.

Судьялар олий кенгаши қарори билан:

• Тохиржон Ваҳобов — судьялик ваколати муддати даврига Фарғона вилоят судининг жиноят ишлари бўйича судьяси лавозимига қайта тайинланди ва шу муносабат билан Фарғона вилояти жиноят ишлари бўйича Фурқат туман судининг раиси лавозимидан озод қилинди;
• Хуршид Қосимов — судьялик лавозимида бўлишнинг муддатсиз даврига, шундан беш йил муддатга Фарғона вилояти жиноят ишлари бўйича Фурқат туман судининг раиси лавозимига қайта тайинланди ва шу муносабат билан Фарғона вилояти жиноят ишлари бўйича Қўқон шаҳар судининг раиси лавозимидан озод қилинди;
• Шуҳратжон Аҳмедов — судьялик ваколати муддати даврининг беш йил муддатига Фарғона вилояти жиноят ишлари бўйича Қўқон шаҳар судининг раиси лавозимига қайта тайинланди ва шу муносабат билан Фарғона вилоят судининг жиноят ишлари бўйича судьяси лавозимидан озод қилинди;
• Рустам Зарипов — судьялик ваколати муддати даврига Фарғона вилоят судининг жиноят ишлари бўйича судьяси лавозимига қайта тайинланди ва шу муносабат билан Фарғона вилояти жиноят ишлари бўйича Қувасой шаҳар судининг раиси лавозимидан озод қилинди;
• Авазбек Шералиев — судьялик ваколати муддати даврининг беш йил муддатига Фарғона вилояти жиноят ишлари бўйича Қувасой шаҳар судининг раиси лавозимига қайта тайинланди ва шу муносабат билан Фарғона вилояти жиноят ишлари бўйича Фарғона шаҳар судининг судьяси лавозимидан озод қилинди;
• Машрабжон Улуғбеков — судьялик ваколати муддати даврига Сирдарё вилояти жиноят ишлари бўйича Сирдарё туман судининг судьяси лавозимига қайта тайинланди ва шу муносабат билан Фарғона вилояти жиноят ишлари бўйича Қўқон шаҳар судининг судьяси лавозимидан озод қилинди.

Шунингдек:

• Одилжон Исмоилов — судьялик лавозимида бўлишнинг навбатдаги ўн йиллик муддатига Фарғона вилояти жиноят ишлари бўйичаФарғона шаҳар судининг судьяси лавозимига;
• Илгизар Сабиров — судьялик лавозимида бўлишнинг навбатдаги ўн йиллик, шундан беш йил муддатга Тошкент шаҳар жиноят ишлари бўйича Чилонзор туман судининг раиси лавозимига;
• Талъатжон Мелибоев — судьялик лавозимида бўлишнинг муддатсиз даврига, шундан беш йил муддатга Наманган вилояти жиноят ишлари бўйича Норин туман судининг раиси лавозимига тайинланди.

Бундан ташқари, Сирдарё вилояти жиноят ишлари бўйича Сирдарё туман судининг судьяси С.Сарибоев — одил судловни амалга ошириш чоғида қонунийликни бузганлиги учун, Наманган вилояти жиноят ишлари бўйича Норин туман судининг раиси Б.Эргашев — ёзма аризасига биноан лавозимларидан озод этилиб, судьялик ваколатлари муддатидан илгари тугатилган.

Бундан олдин Ўзбекистонда 6 нафар судья лавозимида ўзгариш рўй бергани, Қашқадарёда фуқаро ногиронлик нафақасини ололмай қолганига сабаб бўлган судьяга чора кўрилгани, Судьялар олий кенгашида бир қатор янги тайинловлар амалга оширилгани тўғрисида хабар берилганди.