2023 йил 1-октябрдан бошлаб Uzbekistan Airways Москва шаҳрининг иккита аэропорти – Домодедово ва Внуковога рейсларни амалга оширишни бошлайди! Мунтазам авиақатновларни Внуково аэропортига ўтказишнинг бир қатор афзалликлари бор – Россия Федерацияси пойтахтига қулай ташриф буюриш учун барча шароитлар яратилган қулай аэропортни танлаш имконияти мавжуд.
Йўловчиларга қулай шароитларни яратиш мақсадида Uzbekistan Airways 2023 йил 1-октябрдан бошлаб Москванинг иккита – Домодедово ва Внуково аэропортлари орасида танлов таклиф этади! HY601/602 ва HY603/604 авиақатновлари Тошкентдан Домодедово халқаро аэропортига (ДME) амалга оширилишда давом этади.
Тошкентдан Москвага ва ортга қайтувчи HY613/614, HY611\612, HY9613\9614 ва HY9813\9814 авиақатновлари, шунингдек Фарғона, Наманган, Самарқанд, Бухоро, Навоий, Қарши, Термиз, Урганч ва Нукусдан Москвага ва ортга қайтувчи авиақатновлар Внуково халқаро аэропортига (VKО) амалга оширилади!
Парвозларни Внуковога ўтказиш Москвага\дан Тошкентга борадиган йўловчиларга ҳар бирининг шаҳар марказидан масофасини ҳисобга олган ҳолда Москванинг мақбул аэропортини танлашга имкон беради. Ўзбекистон Республикаси ҳудудий марказларига/дан келаётган йўловчилар учун Внуково аэропорти ривожланган транспорт инфратузилмаси жиҳатидан энг мақбул аэропортга айланади. Шуни таъкидлаш керакки, Внуково халқаро аэропорти Москва марказига энг яқин – 34 км масофада жойлашган. Яқинда аэропорт ҳудудида “Внуково аэропорти” метро бекати мавжуд бўлиб, у йўловчиларга пойтахт марказига 40 дақиқада етиб боришга имкон беради.
Шериклик ҳуқуқи асосида.
