Тармоқларда Тошкент шаҳар суди биносига бомба қўйиб кетилгани ҳақида хабарлар тарқалгач, Тошкент шаҳар ИИББ пойтахтда ўқув машғулотлари ўтказилаётганини билдирди. Ва фуқаролардан хавотир олмасликни сўради. “Док-1 Макс” судида иштирок этиш учун суд биносига бориб, воқеа гувоҳига айланган “Дарё” мухбирининг қўшимча қилишича, бомба ҳақидаги миш-мишлар ва номаълум сабаблар билан суд бир ярим соат кеч бошланган.
.jpg)
Бизга шунчаки тадбир, бинодан чиқиб кетинг, дейишди, холос. Одатдаги ўқув машғулот бўлса керак, — дейди судья ёрдамчиси.
“Док-1 Макс” бўйича бўлиб ўтаётган судга раислик қилувчи Мусо Юсуповнинг билдиришича, суднинг кечикишига одатдаги машғулот ўтказилиши сабаб бўлган.
Ички ишлар вазирлиги ахборот хизмати раҳбари Шоҳруҳ Ғиёсов “Дарё” мухбирининг “Суд биносига бомба қўйиб кетилгани ҳақида 102 га хабар келиб тушганми?”, деган саволига “Текшириб кўришсин. Хабар бериш тартиби, ўқув машғулот шартларига боғлиқ бўлади”, дея жавоб қайтарди.
Изоҳ (0)