Tarmoqlarda Toshkent shahar sudi binosiga bomba qo‘yib ketilgani haqida xabarlar tarqalgach, Toshkent shahar IIBB poytaxtda o‘quv mashg‘ulotlari o‘tkazilayotganini bildirdi. Va fuqarolardan xavotir olmaslikni so‘radi. “Dok-1 Maks” sudida ishtirok etish uchun sud binosiga borib, voqea guvohiga aylangan “Daryo” muxbirining qo‘shimcha qilishicha, bomba haqidagi mish-mishlar va noma’lum sabablar bilan sud bir yarim soat kech boshlangan.
.jpg)
Bizga shunchaki tadbir, binodan chiqib keting, deyishdi, xolos. Odatdagi o‘quv mashg‘ulot bo‘lsa kerak, — deydi sudya yordamchisi.
“Dok-1 Maks” bo‘yicha bo‘lib o‘tayotgan sudga raislik qiluvchi Muso Yusupovning bildirishicha, sudning kechikishiga odatdagi mashg‘ulot o‘tkazilishi sabab bo‘lgan.
Ichki ishlar vazirligi axborot xizmati rahbari Shohruh G‘iyosov “Daryo” muxbirining “Sud binosiga bomba qo‘yib ketilgani haqida 102 ga xabar kelib tushganmi?”, degan savoliga “Tekshirib ko‘rishsin. Xabar berish tartibi, o‘quv mashg‘ulot shartlariga bog‘liq bo‘ladi”, deya javob qaytardi.
Izoh (0)