Тоғли Қорабоғда 20 сентябрь куни Россия тинчликпарвар кучлари бўлган машина ўққа тутилди, ундаги рус ҳарбийлари ҳалок бўлди. Бу ҳақда Россия Мудофаа вазирлигига таяниб, “РИА Новости” хабар берди.
Ҳодиса “Россия тинчликпарвар контингенти Жанятоғ аҳоли пункти ҳудудидаги кузатув пунктидан қайтиш вақтида содир бўлган”, — дейилади вазирлик хабарида.
Ҳужум ўқ отиш қуролларидан амалга оширилган. Унга ким раҳбарлик қилгани номаълум. Россия Мудофаа вазирлиги машинада қанча ҳарбий хизматчи бўлганига аниқлик киритмаган.
“Россия ва Озарбайжон тергов органларининг вакиллари воқеанинг барча ҳолатларини аниқлаштириш учун жойида ишламоқда”, — дейди Мудофаа вазирлиги.
- 19 сентябрь куни Озарбайжон “конституциявий тузумни тиклаш” мақсадида, Тоғли Қорабоғда аксилтеррор операциясини бошлади. Тахминан бир кун ўтгач, ўт очишни тўхтатиш тўғрисида келишиб олинди.
- Россия тинчликпарвар кучлари Озарбайжон, Арманистон ва Россия имзолаган уч томонлама келишувларга мувофиқ 2020 йилдан бери Тоғли Қорабоғда бўлиб келмоқда.
- Россия президенти матбуот котиби Дмитрий Песков Тоғли Қорабоғда содир бўлаётган воқеаларни Озарбайжоннинг ички иши деб атади ва “де-юре Озарбайжоннинг ўз ҳудудидаги ҳаракатлари ҳақида гапираётганини” таъкидлади.
Изоҳ (0)