Жаҳон озиқ-овқат ташкилоти эҳтиёжманд афғонистонликларга ёрдамни қисқартиради

Жаҳон озиқ-овқат ташкилоти маблағ етишмаслиги туфайли Афғонистонга ёрдамини қисқартирмоқда, деб хабар берди Fars News.

Молиявий муаммолар сабаб Жаҳон озиқ-овқат дастури ҳар беш нафар эҳтиёжманд афғондан фақат биттасига ёрдам кўрсата олишини маълум қилди.

Ташкилот хабарида Афғонистондаги гуманитар фалокатнинг олдини олиш учун 1 миллиард доллар маблағ кераклиги айтилган. Қайд этилишича, ташкилот ҳар ой уч миллион афғонистонликка ёрдам кўрсатади.

Ёрдам учун маблағ етишмаслиги қиш арафасида Афғонистон аҳолисининг 90 фоиздан ортиғига таъсир кўрсатиши кутилмоқда, чунки Афғонистон кўп жиҳатдан халқаро ёрдамга таянади.

Экспертларнинг таъкидлашича, очлик афғон аҳолисини пул ва озиқ-овқат топишнинг муқобил йўлларини излашга мажбур қилади, булардан энг тез ва осони — жиноят, яъни гиёҳванд моддалар савдоси, талончилик ва терроризмдир. Ушбу сценарий экстремистик кайфиятнинг кучайиши учун қулай замин яратади, бу эса кейинчалик Афғонистонга қўшни давлатлар, Хитойдан тортиб Марказий Осиёгача бўлган мамлакатларда вазиятнинг кескинлашувига олиб келади.