Ҳозирда прокат фильмларининг ремейклари ва мультфильмларнинг фильмга мослашуви оммалашди. Баъзи томошабинлар кетган вақтига ачинади, лекин бундай нарсаларни ёқтирадиганлар ҳам бор.

Беллнинг маҳорати (“Соҳибжамол ва махлуқ”)

Белл нафақат китоб ўқишни яхши кўради, балки ихтирочи ҳам: у отасига механизмлар билан ишлашда ёрдам берадиган даражада ақлли. Бундан ташқари, Белл кир ювишнинг янада самарали усулини ўйлаб топади.

Жин учун бахтли якун (“Аловиддин”)

Мультфильмда Жиннинг тақдири ҳақида кўп гапирилмайди. Аммо бош қаҳрамон дўстига эркинлик беради, шунингдек, Жин савдогарга айланади.

Фильмда эса Жин малика Далиянинг хизматкорини севиб қолади. Охир-оқибат, қаҳрамонлар турмуш қуришади ва фарзанд кўришади. Ушбу версияда Жин денгизчи бўлиб, оиласи билан кемада саёҳат қилади.

Золушка кийимлари (“Золушка”)

Классик мультфильмдаги Золушка ва 2015 йилги фильм қаҳрамони либослари сезиларли даражада фарқ қилади. Мисол учун, фильмдаги Золушканинг кийими мультфильмдаги каби эскирган эмас, балки янада нафис кўринади.

Ариэль ва Эрикнинг муносабатлари (“Сув париси”)

Мультфильмда қаҳрамонлар ўртасида учқун пайдо бўлди ва у кўпроқ ўткинчи севгига ўхшайди. Аммо 2023 йилги кинода бош қаҳрамонларнинг муносабатлари янада мустаҳкам пойдеворга эга. Ариэль ва Эрик жуда кўп умумий жиҳатларга эга. Биринчидан, иккаласи ҳам ота-оналари билан муаммоларга дуч келишади: сув парисининг жуда қаттиққўл отаси, шаҳзоданинг эса золим ўгай онаси бор. Иккинчидан, қаҳрамонлар бир-бирларида атрофдаги дунёни ўрганишга бўлган иштиёқни кашф этадилар.

Эртакнинг охири (“Алиса мўжизалар мамлакатида”)

Мультфильмда Алиса шунчаки дарахт остида ухлаб қолади ва финалда худди ўша ерда уйғонади. Фильмда эса уйғонган Алиса фильм бошида тушиб қолган қуён инидан судралиб чиқади.

Малефисентанинг шахсияти (“Уйқудаги малика” ва “Малефисента”)

“Уйқудаги малика” анимацион фильмининг “Малефисента” фильми иждкорлари таниш сюжетни ўзгартиради. Фильмда Авроранинг отаси ҳақиқий ёвуз одам бўлиб чиқади. Ахир у Малефисентага нисбатан ёмонлик қилиб, ўзига ва қизига нисбатан унинг ғазабини қўзғайди.

Фильм охирида Аврора шаҳзоданинг севги бўсасидан эмас, балки она меҳрини кўрсатган Малефисентанинг пешонасидан ўпиши билан уйғонади.

Урсула ҳикояси (“Сув париси”)

Мультфильмдаги Урсуланинг қариндошлари бўлмаган. Фильмда эса унинг таржимаи ҳоли қайта ёзилган: у ёвуз одам Tritonнинг синглиси ва Arielнинг холаси бўлиб чиқади.

Жасминнинг кийими ва пойабзали (“Аловиддин”)

Томошабинларнинг таъкидлашича, “Аловиддин” мультфильмида Ясмин ҳеч қачон маликаларнинг қимматбаҳо либосида кўринмайди. Деярли ҳар доим у фирузаранг либос кияди.

Аммо фильмда унинг ажойиб либослари талайгина, пойабзал и ҳам бошқача. Мультфильмдаги малика учли шарқона ковуш кияди, янги Жасмин эса пошнали туфлида юради.

Фильмдаги малика тез-тез кийимларини ўзгартиради ва уларнинг аксарияти ҳашаматли либослар. Мисол учун, Аловиддин билан биринчи марта учрашганда, Жасминнинг эгнида нимчали кўйлак бўлади. Йигит шаҳзода Али номи билан пайдо бўлганида, малика ажойиб апелсинранг либосда чиқади.