Футбол бўйича Саудия Арабистони чемпионатининг 6-турида “Ан-Насср” 16 сентябрь, шанба куни “Ал-Раэд” билан баҳс олиб борди.
Биринчи бўлим сўнгида Садио Мане Ар-Риёд клубини ҳисобда олдинга олиб чиқди. 45+2-дақиқада “Ал-Раэд” футболчиси Бандер Ваэши қизил карточка олиб майдонни тарк этди. Қолган дақиқаларда мезбонлар бир киши кам бўлиб ҳаракат қилди.
Иккинчи бўлим бошида Талиска учрашувдаги иккинчи голни урди. 78-дақиқада Роналду ҳам ўз ҳисобига гол ёздириб қўйди. 89-дақиқада Фузаир пенальтини аниқ амалга ошириб, ҳисобни қисқартирди. Шу тариқа “Ан-Насср” ишончли ғалабани расмийлаштирди.
“Ан-Насср” очколари сонини 12 тага етказиб, 6-ўринга кўтарилиб олди.
Саудия Профессионал Лигаси
6-тур баҳси
16 сентябрь, шанба
“Ал-Раэд” – “Ан-Насср” 1:3
Голлар: 0:1 – 45 Мане, 0:2 – 49 Талиска, 0:3 – 78 Роналду, 1:3 – 89 Фузаир (пенальти).
“Ал-Раэд”: Морейра, Ал-Досари, Гонсалес, Ваэши, Ал-Юсиф (Ал-Собеай, 64), Фузаир, Собел (Эл-Беркауи, 75), Норманн (Ҳазази, 65), Ал-Биши, Саюд (Лум, 81), Тавареш (Ал-Фаҳад, 46).
“Ан-Насср”: Ал-Акиди, Ал-Ганам, Лапорт, Ал-Авжами (Ал-Амри, 85), Теллес (Ал-Наҳли, 85), Брозович, Отавио, Ал-Ҳайбари (Ал-Ҳассан, 57), Мане (Ал-Ганнам, 89), Гариб (Талиска, 46), Роналду.
Огоҳлантиришлар: Ал-Досари (8), Ал-Ҳайбари (44), Ал-Ҳассан (59), Теллес (84), Ал-Амри (87).
Огоҳлантиришлар: Ваэши (45).
Изоҳ (0)