Осиё ўйинларининг футбол дастурида C гуруҳидан ўрин олган Ўзбекистон Олимпия терма жамоаси тақвимида ўзгаришлар юз берди.
Дастлабки қуръа натижаларига кўра, ушбу квартетдан Ўзбекистон, Афғонистон, Сурия ва Гонгконг терма жамоалари ўрин олганди. Аммо гуруҳ баҳслари бошланишига 2 кун қолганида Сурия ва Афғонистон футбол жамоалари ХIX Осиё ўйинларида иштирок этмаслигини маълум қилган.
Вазиятдан чиқиш мақсадида Ўйинлар ташкилий қўмитаси бу ҳолат бўйича Осиё футбол конфедерациясига мурожаат қилди ва якунда гуруҳда қолган 2 жамоа иштирокни давом эттириши маълум қилинган.
Шу боис, энди Ўзбекистон ва Гонконг жамоалари ўзаро икки учрашувда куч синашган ҳолда гуруҳ ғолибини аниқлаб олади. Янги тақвим бўйича ўйинлар 22 ва 25-сентябр саналарига белгиланди
Изоҳ (0)