Футбол бўйича U-23 Осиё Кубоги саралаш босқичи доирасида Ўзбекистон ОТЖ 12 сентябрь, сешанба куни Эронга қарши баҳс олиб борди.
Учрашувнинг биринчи бўлимида дарвозалар ишғол этилмади. Иккинчи бўлим бошида эса ўзбекистонликлар ҳисобни очди. 47-дақиқада Аббосбек Файзуллаев ажойиб узатмани голга айлантирди. Ушбу гол ўйин якунига қадар ягоналигича қолди ва Тимур Кападзе жамоасига ғалаба келтирди.
Шу тариқа Ўзбекистон Олимпия терма жамоаси гуруҳ босқичидаги учала учрашувни ҳам ғалаба билан якунлади. Қайд этиб ўтиш жоиз, Ўзбекистон 1-турда Афғонистон устидан 8:1 ҳисобида зафар қучганди. 2-турда Гонгконг дарвозасига жавобсиз 10 та гол урганди.
Ўзбекистон ОТЖ иштирок этадиган 2024 йилнинг апрель ойида Қатарда бўлиб ўтадиган Осиё Кубоги мусобақасида Париж—2024 Олимпиадаси йўлланмаси ўйналади.
Эслатиб ўтамиз, Ўзбекистондан ташқари Жанубий Корея, Вьетнам, БАА, Таиланд ва Индонезия гуруҳ ғолиби сифатида йўлланмани қўлга киритган.
Осиё Кубоги саралаши
12 сентябрь, сешанба
Ўзбекистон U-23 – Эрон U-23 1:0
Гол: 1:0 — 47 Файзуллаев.
Изоҳ (0)