Ўзбекистонда 2023 йилнинг биринчи ярим йиллигида 7 732 нафар аёлга ҳомиладорлик ва туғиш нафақаси тўлаб берилди. Бу ҳақда 2023 йил биринчи ярим йиллигидаги бюджет ижроси бўйича Иқтисодиёт ва молия вазирлиги тақдим этган ҳисоботда маълум қилинди.
Унга кўра, Ўзбекистонда жорий йилнинг ўтган даврида хўжалик юритувчи субъектларда ишловчи 7 732 нафар аёлга 15,4 миллиард сўмлик ҳомиладорлик ва туғиш нафақаси тўлаб берилди. Нафақа олган аёлларнинг энг кўпи Тошкент шаҳрига, энг ками эса Жиззах вилоятига тўғри келган.
Шунингдек, 2023 йилнинг январь июнь ойларида ижтимоий нафақа олувчи оилалар ўртача сони 2 192,8 мингтага (2 115,5 мингта болалар нафақаси, 77,3 мингта моддий ёрдам) етди (2022 йилнинг мос даврига нисбатан 23 фоизга ошган) ҳамда нафақа тўловлари учун 6 071,3 миллиард сўм маблағ, шундан 5 894,4 миллиард сўм кам таъминланган оилаларга болалар нафақаси ва 176,9 миллиард сўм кам таъминланган оилаларга моддий ёрдам учун харажат қилинди.
Изоҳ (0)