Ҳукуматнинг 2021 йил 21-октябрдаги қарори билан тасдиқланган низомда болалар нафақаси тайинлаш қай ҳолларда рад этилиши белгиланган.
Фото: “Дарё”
Болалар нафақаси ёки моддий ёрдам тайинлашда оиланинг ҳар бир меҳнатга лаёқатли ёшдаги аъзосини расмий даромад манбаларга эгалигини аниқлаштириш талаб қилинади.
Ҳукумат низомида оилада расмий даромад манбаларига эга бўлмаган ва охирги олти ой мобайнида иш излаб меҳнат органларига мурожаат қилмаган ҳамда меҳнат органларида ҳисобда турмаган, ўзини ўзи банд қилган шахслар рўйхатига киритилмаган ёки ҳақ тўланадиган жамоат ишлари иштирокчиси ҳисобланмаган меҳнатга лаёқатли оила аъзоси мавжуд бўлган ҳолларда болалар нафақаси ёки моддий ёрдам тайинлаш рад қилиниши белгиланган.
Низомнинг ушбу талаби бола уч ёшга тўлгунига қадар парвариш қилаётган оналарга (уларнинг ўрнини босувчи шахсларга), расмий даромад манбаларига эга бўлмаган ва охирги бир йил мобайнида “Темир дафтар” рўйхатида бўлган оилаларга нисбатан қўлланилмайди.
Болалар нафақаси тайинлаш учун ариза ва унга илова қилинган ҳужжатлар билан биргаликда фуқаролар яшаш жойидаги фуқароларнинг ўзини ўзи бошқариш органига мурожаат қилиш лозим.
Белгиланган мезонлар асосида оилани кам таъминланган оила деб эътироф этиш ва унга болалар нафақаси ёки моддий ёрдамни тайинлаш ёхуд тайинлашни рад этиш “Ижтимоий ҳимоя ягона реестри” ахборот тизими орқали автоматлаштирилган тарзда амалга оширилади.
Изоҳ (0)