Руминия ҳудудидан Россияга қарашли дронларнинг қолдиқлари топилди. Бу ҳақда мамлакат Мудофаа вазирлигига таяниб, Meduza хабар берди.
Руминия ҳарбийлари чегарадаги Тулча округида бир неча ўнлаб квадрат метр майдонда дрон парчаларини визуал тарзда аниқлади. Вазирлик тегишли баёнотни 13 сентябрь куни Россия дронлари Украина жанубидаги Руминия билан чегарада жойлашган Измоил шаҳрига ҳужум қилганидан кейин эълон қилинди.
“Руминия Ташқи ишлар вазирлиги ҳолат юзасидан норозилик билдиради ва Россия дипломатик миссияси раҳбарини мамлакатда аниқланган дроннинг янги бўлаклари топилгани муносабати билан чақиртириш ниятида”, — дейилади ТИВ муносабатида.
Агар дрон парчалари Россия дронига тегишли бўлса, бу сентябрь бошидан бери Руминияда учинчи марта рус дронларининг қисмлари аниқланиши ҳисобланади. Илгари улар 4 ва 9 сентябрь кунлари Одесса вилояти жанубидаги портларга рус дронларининг зарбаларидан кейин топилган эди.
13 сентябрга ўтар кечаси Россия қўшинлари Руминия билан чегарада жойлашган Одессанинг Рени ва Измаил портларига яна дронлар билан зарба берди. Етти киши жароҳатланган.
Изоҳ (0)