Ижтимоий тармоқларда “Куёв араб шайхларига ҳавас қилган кўринади” номли тўй маросими акс этган видео тарқалиб, аҳоли орасида кескин муҳокамаларга сабаб бўлди. ИИВ матбуот хизмати видеода акс этган ҳолат бўйича маълумот берди.
Аниқланишича, мазкур тадбир 31 август куни Наманган вилоятида ўтказилган бўлиб, унда куёв сифатида иштирок этган 2000 йилда Наманган вилоятида туғилган фуқаро I.А. вилоят ИИБга таклиф этилди.
Ўтказилган суҳбат давомида у ўз ташаббуси билан шахсий диний қарашларидан келиб чиққан ҳолда тўйда келинга ноанъанавий кийимлар (бурқа шаклидаги) кийдириб ҳамда диний куй-қўшиқлардан фойдаланиб, тадбирга диний тус берганини билдирган.
“Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида”ги қонунга асосан, жинс бўйича билвосита камситиш, яъни бир жинсдаги шахсларни бошқа жинсдаги шахсларга нисбатан ноқулайроқ ҳолатга тушириб қўядиган вазиятларни, ҳолатларни ёки мезонларни яратиш, шу жумладан, гендер тенгсизликни оммавий ахборот воситалари, таълим, маданият орқали тарғиб этиш, муайян жинсдаги шахслар учун салбий оқибатларга олиб келиши мумкин бўлган шарт-шароитлар ёхуд талаблар белгиланишига йўл қўйилмайди. Ушбу қонуннинг 29-моддасида хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисидаги қонунчиликни бузганлик учун жавобгарлик белгиланган.
“Виждон эркинлиги ва диний ташкилотлар тўғрисида”ги қонуннинг 10-моддасига биноан, мамлакатда ҳудудида диний мазмундаги материалларни тайёрлаш ва тарқатиш диншунослик экспертизасининг ижобий хулосаси олинганидан кейин амалга оширилади. Ушбу қонуннинг 5-моддасига кўра, мамлакатда виждон эркинлигини таъминлашнинг асосий устуворликларидан бири сифатида жамоат тартибига, фуқароларнинг соғлиғи ва ахлоқига, ҳуқуқ ва эркинликларига таҳдид солувчи диний ғоялар ҳамда қарашларнинг сингдирилиши ва тарқатилишига қарши курашиш белгилаб қўйилган.
Шу муносабат билан, суд томонидан фуқаро I.А.га нисбатан Маъмурий жавобгарлик тўғрисидаги кодекснинг 184-2-моддаси (диний мазмундаги материалларни қонунга хилоф равишда тайёрлаш, сақлаш, олиб кириш ёки тарқатиш) билан БҲМнинг 5 баробари (1 миллион 650 минг сўм) миқдорида жарима жазоси тайинланган.
Изоҳ (2)
Har kim oʻzi xohlagan narsani kiyishga haqqi bor qonunda arabcha kiyinish mumkinmas deb yozilgan joyi bormi???Undan koʻra Munisa Rizayevani shtraf qilinglar.
нимага хамма нарсани айлантирип гапиришади