Расм чизишда бирор бир рангдан фойдаланмоқчи бўлдингиз, бироқ ранг танлашда адашдингизми? Ҳечқиси йўқ, мутахассисларнинг янги ихтироси сизни ҳайратда қолдириши мумкин. Colorpic Pen, яъни 6 миллион хил жилога эга ручка бу борада сизга ёрдам беради.
Қурилмага ҳар қандай сиртдан рангни ўқий оладиган ақлли қурилма – сканерни бириктириш кифоя. У рангни аниқлайди ва кейин ўрнатилган насос ёрдамида сиёҳни керакли нисбатда аралаштиради.
Ишлаб чиқарувчи компания тақдим этган маълумотларга кўра, фойдаланувчи ихтиёрида 6 миллион хил ранг бўлади. Қурилманинг заряди 15 соат узлуксиз чизиш учун етади ва сиёҳ таъминоти сизга 24 минг км узунликдаги чизиқни чизиш имконини беради. Бу эса экватор чизиғининг ярмидан кўпига тенг.
Kickstarter платформаси ручкани оммавий ишлаб чиқариш учун маблағ йиғмоқда. Ушбу мўжизавий ручканинг нархи 145 долларни ташкил қилади. Бироқ бу бутун тўплам учун — зарядловчи қурилма, палитра, алмаштириладиган махсус қурилмалар ва картриджлар билан бирга яхши нарх.
Изоҳ (0)