Rasm chizishda biror bir rangdan foydalanmoqchi bo‘ldingiz, biroq rang tanlashda adashdingizmi? Hechqisi yo‘q, mutaxassislarning yangi ixtirosi sizni hayratda qoldirishi mumkin. Colorpic Pen, ya’ni 6 million xil jiloga ega ruchka bu borada sizga yordam beradi.
Qurilmaga har qanday sirtdan rangni o‘qiy oladigan aqlli qurilma – skanerni biriktirish kifoya. U rangni aniqlaydi va keyin o‘rnatilgan nasos yordamida siyohni kerakli nisbatda aralashtiradi.
Ishlab chiqaruvchi kompaniya taqdim etgan ma’lumotlarga ko‘ra, foydalanuvchi ixtiyorida 6 million xil rang bo‘ladi. Qurilmaning zaryadi 15 soat uzluksiz chizish uchun yetadi va siyoh ta’minoti sizga 24 ming km uzunlikdagi chiziqni chizish imkonini beradi. Bu esa ekvator chizig‘ining yarmidan ko‘piga teng.
Kickstarter platformasi ruchkani ommaviy ishlab chiqarish uchun mablag‘ yig‘moqda. Ushbu mo‘jizaviy ruchkaning narxi 145 dollarni tashkil qiladi. Biroq bu butun to‘plam uchun — zaryadlovchi qurilma, palitra, almashtiriladigan maxsus qurilmalar va kartridjlar bilan birga yaxshi narx.
Izoh (0)