Дунёдаги энг қиммат — 3 млн долларлик чойнак Гиннеснинг рекордлар китобига киритилди (фото)

Гиннеснинг рекордлар китобига ноодатий, шу билан бирга, жуда қиммат бўлган буюм киритилди. Яқинда олтиндан ясалган ҳамда ёқут ва олмос билан безатилган ноёб чойнак ҳақида маълумотлар тарқалди.

Чойнак 3 миллион долларга баҳоланган ва энг қиммат чой ичадиган буюм сифатида қайд этилган. Гиннес китоби веб-сайтидаги маълумотларга кўра, чойнак N Sethia Foundation’га тегишли, у тиббий тадқиқотлар ҳақидаги маълумотларни тақдим этади. Шунингдек, ташкилот санъатни қўллаб-қувватлайди ва инсонларга табиий офатларда инсонпарварлик ёрдамини беради.

Бу қимматбаҳо буюмни яратишда италиялик заргар Фулвио Скавиа иштирок этган. Чойнакни яратиш учун жуда кўп вақт керак бўлди, чунки у қўлда яратилган ва фақат энг юқори стандартдаги олтин, шунингдек, заргарлик буюмлари билан қопланган кумушдан ясалган.

Умуман олганда, буюм табиий олмос билан қопланган, унда 6,67 каратлик катта қимматбаҳо ёқут мавжуд. Чойнак қопқоғининг юқори қисми майда ёқутлар ва олмослар билан безатилган. Ноодатий тутқич тошга айланган мамонт суягидан ясалган ва табиий рангга эга.

Чойнак миллиардер Нирмал Сетиянинг шахсий коллекциясидан жой олган, у N Sethia Foundation хайрия ташкилотининг директори ҳисобланади.