Бирлашган Миллатлар Ташкилоти бош котиби Антониу Гутерриш Украинадаги можаро яқин келажакда тинч йўл билан ҳал этилишига умид қилмаётганини айтиб ўтди.
Унинг сўзларига кўра, Россия ҳам, Украина ҳам урушни “давом этишга қарор қилишди”.
“Украинадаги можаро яқин келажакда тинч йўл билан ҳал этилишига умидим кўп эмас. Ишонаманки, иккала томон ҳам можарони давом эттиришга қарор қилган”, — деди Гутерриш Нью-Деҳлидаги матбуот анжуманида.
G20 бўйича асосий тадбирлар эртага 9 сентябрь куни бошланади. Шунга қарамай ташкилотга аъзо кўплаб давлатлар раҳбарлари аллақачон Нью-Деҳлига етиб келишган.
Ташкилот йиғилишининг кун тартибида озиқ-овқат хавфсизлиги масаласи бўлиши маълум қилинган.
Изоҳ (0)