Агар одамлар Гиннеснинг рекордлар китобига атай ҳаракат қилиб киришади деб ўйласангиз, адашасиз. Улар ичида тасодифан кирганлар ҳам бор.
Жеки Чан
Жеки Чан юзлаб фильмларда мураккаб трюкларни ўзи бажариб, каскадёр хизматидан фойдаланмаган. Машаққатли меҳнат натижасини берди: Жеки Гиннеснинг рекордлар китобига кирган. Актёр суратга олиш майдончасида баъзи вақтларда хавфли трюклар қилишдан қўрқишини тан олади, лекин у мукаммал кадр учун ҳаётини қурбон қилишга ҳам тайёр.
“Ҳамма қўрққани каби мен ҳам қўрқаман. Биз ғайритабиий одам эмасмиз. Лекин камера ёқилганини эшитганимда бирдан энергия қуйилиб кела бошлайди”, — дейди актёр ўз иши ҳақида.
Жастин Бибер
Жастин Бибер тарихдаги энг омадсиз мусиқий клип яратгани билан Гиннеснинг рекордлар китобига кирган. Хонанданинг Baby қўшиғига ишланган клип жуда тез фурсатда 10 миллионта дизлайк йиғган.
Дуэйн Жонсон
Актёр энг кўп селфи қилгани билан мақтаниши мумкин. Аслида бу тасодифан содир бўлган. Дуэйн Жонсон мухлислари билан шунчаки бир-иккита суратга тушмоқчи бўлади ва 3 дақиқада ичида у 105 та селфи суратга олади.
Кичик Роберт Дауни
Актёр Рекордлар китобига киришга ҳаракат ҳам қилмаган. Мухлислари Робертга 5339 та имзо қўйилган откритка совға қилишган. Туғилган кунига юборилган бундай совға актёр учун кутилмаган бўлган.
Жоан Роулинг
Зинапоя остидаги тор хонада яшаган чақмоқ кўринишидаги чандиқли бола ҳақида билмаган одам йўқ бўлса керак. Шундай қилиб, унинг яратувчиси Гиннеснинг рекордлар китобининг уч карра ғолиби ҳисобланади.
Жоан Роулинг миллиард доллар ишлаб топган биринчи ёзувчи бўлди. Бундан ташқари, ёш сеҳргарлар ҳақидаги китоб бир суткада энг кўп сотилган асар ҳисобланади. Шунингдек, ҳикоячи шундай катта даромадга эга бўлган болалар адабиётининг биринчи муаллифига ҳам айланди.
Эминем
Ҳеч ким у каби тез ўқий олмайди. Қўшиқ охирида Эминем 30 сонияда 229 сўзни қофия қила олади.
“Ўзимдан қофия олмаслик учун баъзан эски қўшиқларни тинглайман. Баъзида шундай бўладики, қофия миямда пайдо бўлади, шунда буни илгари ишлатганманми ёки йўқми текширишим керак. Менда қофия ўйлаб топишга асосланган касаллик бор”, — дейди рэпер.
Изоҳ (0)