АҚШдаги Калифорния университети олимлари Disney маликалари болаларнинг ўзига бўлган ишончига қандай таъсир кўрсатишини ўрганди. Уларнинг тадқиқот натижалари Psychology of Popular Media журналида чоп этилган.
Тадқиқотда асосий эътибор мультфильм қаҳрамонлари танасининг ўлчамига қаратилган. Уч ёшдан тўрт ёшгача бўлган 320 нафар қизнинг ота-оналари олимларга уларнинг севимли қаҳрамонлари ҳақида маълумот берган ва фарзандининг ўзига бўлган ишончи қай даражада экани, тенгдошлари билан мулоқот қилиш частотаси ҳақидаги саволларга жавоб бериб, анкета тўлдирган. Сўнгра Disney’нинг 61 та мультфильмларидаги малика параметрлари ўрганилган.
Маълум бўлишича, агар боланинг севимли қаҳрамони ўртача тана ҳажмига эга бўлса, у ўзига бўлган ишончи юқори ва хушмуомала малика бўлган. Салбий қаҳрамонларда бундай белгилар кузатилмаган.
Инсон танасига ўхшаш танага эга маликаларни яхши кўрган болаларнинг (масалан, Моана ёки Meрида) ўзига ишончи юқори даражада бўлган. Аксинча, севимли маликаси ўта нозик танага эга бўлган болаларда (масалан, Aурора, Золушка) ўзига бўлган ишончида умуман ўзгариш бўлмаган. Бу нозик маликалар болаларнинг онгига салбий таъсир кўрсатади, деган фикрни рад этади.
Болалар орасида энг машҳур малика “Музюрак”даги Элза (52,65 фоиз овоз тўплаган) бўлди. Ундан кейинги ўринда эса “Моана” мультфильмидаги Моана қаҳрамони (20,88 фоиз ) эгаллаган.
Изоҳ (0)