Германиядан Украинага “Гепард” ўзиюрар зенит қурилмалари учун мўлжалланган 35 мм калибрли снарядларнинг янги партияси етиб келди. Бу ҳақда Германия Мудофаа вазирлиги хабар қилди.
Мудофаа вазири Борис Писториуснинг сўзларига кўра, Украина ҳаво ҳужумидан мудофаа тизимлари ва ўқ-дориларга муҳтож.
“ ‘Гепард’ учун снарядлар ишлаб чиқаришни қайта йўлга қўйиш орқали биз иккала жиҳатга ҳам эътибор қаратмоқдамиз”, — деди у.
Мудофаа вазирлиги Украинага юборилган снарядлар партиясининг ҳажмини очиқламади.
“Йил охиригача яна 40 минг снаряд ишлаб чиқарилади ва Киевга етказилади”, — дея хабар қилди Rheinmetall концерни.
Изоҳ (0)