Нарендра Моди бошчилигидаги ҳукумат парламентнинг 18—22 сентябрь кунлари бўлиб ўтадиган навбатдан ташқари сессиясида Ҳиндистоннинг расмий номини Бҳаратга ўзгартириш тўғрисида қарор қабул қилиши мумкин. Бу ҳақда Тhе Economic Times хабар берди.
Конгресс раҳбари Жаирам Рамеш ҳам Ҳиндистон президентидан G20 саммити учун расмий кечки овқат таклифномалари одатдагидек “Ҳиндистон президенти” ўрнига “Бҳарат президенти” номи билан юборилганини тасдиқлади.
Ҳиндистон Конституциясига кўра, расмий тиллар инглиз ва ҳинд тиллари бўлиб, инглиз тилида мамлакат Ҳиндистон (India), ҳинд тилида эса Бҳарат деб аталади. Номни ўзгартириш тўғрисидаги резолюцияни қабул қилиш учун Ҳиндистон ҳукумати парламентнинг ҳар икки палатасида ҳам кўпчилик овозга эга бўлиши керак.
Ҳужжат қабул қилингандан сўнг, ҳукумат конституциядаги инглиз “Ҳиндистон ҳукумати” деган сўзни ўз ичига олган камида ўнта жойда тузатишлар киритиши керак.
“Британияликлар Бҳарат номини Ҳиндистонга ўзгартирган. Мамлакатимиз минг йиллар давомида Бҳарат номи билан танилган. Бу қадимги санскрит матнларида учрайдиган мамлакатнинг қадимий номи. Ҳиндистон номи мустамлакачи давлат томонидан берилган ва шунинг учун қуллик рамзи ҳисобланади. Ҳиндистон номи Конституциядан олиб ташланиши керак”, — деди депутат Ражя Сабҳа.
Изоҳ (0)