Хитой жанубидаги Гуандун провинциясига кучли “Саола” тайфуни ёпирилди. Шамол кучлилиги сабабли вазни 50 килограммдан кам бўлган одамларга кўчага чиқиш тақиқланган. Бу ҳақда Sinxua хабар берди.
Сўнгги икки кун ичида ҳудудда шамол кучи 200 км/соатга етган, бунинг оқибатида Гонконгда 75 киши жабрланган. Оммавий ахборот воситаларининг хабар беришича, расмийлар вазни 50 килограмгача бўлган одамларни шамол учириб кетгани учун ташқарига чиқишни тақиқлашга қарор қилган.
Бундан ташқари, Хитой жанубида 780 мингдан ортиқ одам эвакуация қилинган. Гуандун провинциясида ҳам кўчки содир бўлган.
- “Саола” — 2023 йилдаги тўққизинчи тайфун.
- Унинг маркази Чжухай шаҳри яқинида бўлиб, шамол тезлиги 46 м/с гача қайд этилган.
- Гонконг ва Макао ҳудудларида эса бўронли шамол тезлиги соатига 200 километрга етган.
Изоҳ (0)