Япония ғарбидаги Кии яриморолига урилган “Лан” тайфуни кучли ёғингарчиликка сабаб бўлди. Ҳудудда ҳаво, автомобиль ва темир йўл қатнови тўхтади, деб хабар бермоқда Kyodo агентлиги.
Осака оролида тайфун сабаб траснпорт ҳаракати тўхтатилгач, 650 га яқин одам Кансай аэропортида тунашга мажбур бўлган.
Тайфун ортидан Япония ғарбидаги айрим ҳудудларда кучли ёғингарчилик рўй берди, хусусан, Вакаяма префектурасида 6 соат ичида 304 миллиметр, Кёто префектурасида 190 миллиметр ёмғир ёғди.
Япония Метеорология агентлиги мамлакатнинг шарқий, марказий ва ғарбий қисмларида кучли ёмғир ёғишидан огоҳлантирди. Агентлик аҳолини сув тошқинлари, кўчкилар ва кучли шамоллар хавфидан ҳушёр бўлишга чақирди.
Тайфундан зарар кўриши мумкин бўлган ҳудудлардаги баъзи операторлик тармоқлари қисман ёпилган. Japan Airlines Cо. ва All Nippon Airways Cо каби авиакомпанияларнинг мамлакат бўйлаб 560 дан ортиқ рейслари бекор қилиниб, оқибатда 80 минг йўловчи манзилига етиб боролмаган.
Изоҳ (0)