Япониянинг шарқий ва жанубий ҳудудларига иккита тайфун яқинлашмоқда. Бу ҳақда Миллий метеорология бошқармаси маълум қилди.
27—29 август кунлари Япониянинг Тинч океани соҳиллари бўйлаб шарқий ҳудудларга “Дамри” тўфони ёпирилиши кутилмоқда. Тўфоннинг марказий қисмида шамол тезлиги 20 м/с га яқин.
Шу билан бирга, “Саола” тўфони Окинаванинг жанубий префектураси марказий қисмига яқинлашмоқда. У мазкур ҳудудга 30 августгача етиб бориши мумкин.
Япония ҳукумати маҳаллий аҳолини кўчки ва ҳудудларни сув босиши эҳтимоли туфайли ҳушёр бўлишга чақирди.
Аввалроқ Япония ғарбидаги Кии яриморолига урилган “Лан” тайфуни кучли ёғингарчиликка сабаб бўлгани хабар қилинганди.
Изоҳ (0)