Ўзбекистон давлат мустақиллигининг ўттиз икки йиллиги муносабати билан 31 август ҳамда 1 сентябрь кунлари “Янги Ўзбекистон” боғида байрам тадбири ўтказилади. Бу ҳақда пойтахт ИИББ ЙҲХБ ахборот хизмати хабар берди.
Шу сабабли пойтахтнинг Маҳтумқули—Оҳангарон шоҳкўчасидан, Янги Ўзбекистон—4P12 йўли кесишган чорраҳасигача соат 19:00 дан 22:00 гача бўлган вақт оралиғида автотранспорт воситаларининг ҳаракати вақтинчалик чекланади.
Қайд этилишича, фақатгина байрам тадбирлари ва мушакбозликка ташриф буюрувчи меҳмонлар Янги Ўзбекистон кўчаси бўйлаб ҳаракатланишлари мумкин.
- Тошкент вилояти томондан — Юқори Чирчиқ, Қуйи Чирчиқ, Ўрта Чирчиқ туманлари ҳамда Паркент туманидан ташриф буюрувчи меҳмонлар 4Р12 йўли бўйлаб Шарқ ЙПХ маскани орқали пойтахтга киришлари тавсия этилади.
- Бўстонлиқ, Ғазалкент ва Қибрай туманларидан ташриф буюрувчи меҳмонлар Чирчиқ шаҳри орқали Юзробод кўчаси бўйлаб Темур Малик кўчаси орқали пойтахтимизга киришлари тавсия этилади.
Аввалроқ Тошкентда Мустақиллик байрамига бағишланган халқаро оммавий югуриш мусобақаси сабаб айрим кўчалар ёпилиши тўғрисида хабар берилганди.
Изоҳ (0)