Хитой Ташқи ишлар вазирлиги матбуот котиби Ван Венбин Россия президенти Владимир Путиннинг октябрь ойида Хитойда бўлиб ўтадиган “Бир макон, бир йўл” форумига келишини тасдиқламади. Bloomberg бир кун олдин Путиннинг ташрифига тайёргарлик кўрилаётгани ҳақида хабар берганди.
“Бу йил ‘Бир макон, бир йўл’ учинчи халқаро ҳамкорлик форуми бўлиб ўтади. Хитой бу борада ҳамкорлар билан алоқада бўлиб турибди... Биз барча тегишли маълумотларни ўз вақтида эълон қиламиз”, — деди Ванг брифингда.
Bloomberg манбаларининг хабар беришича, Кремль Владимир Путиннинг “Бир макон, бир йўл” форумида иштирок этиш учун Хитой сафарига тайёргарлик кўрмоқда. Нашрнинг қайд этишича, ташриф Россия президентининг март ойида, Гаагадаги Халқаро жиноий суд уни ҳибсга олиш учун ордер берганидан буён илк хорижий сафари бўлиши мумкин. Суд қарори фонида Владимир Путин 22-24 август кунлари Йоханнесбургда бўлиб ўтган БРИКС саммитида шахсан иштирок этмай, онлайн қатнашганди.
Изоҳ (0)