А Серия. “Интер” сафарда Элдор Шомуродов тўп сурадиган “Кальяри” устидан ишончли ғалабага эришди 

Футбол бўйича Италия А Сериясининг 2-турида “Интер” 28 август, душанба куни “Кальяри”га қарши баҳс олиб борди.

Учрашувнинг биринчи бўлимида миланликлар 2 та гол уриб, ҳисобда олдинга чиқиб олди. Дастлаб Дензел Думфрис ўз ҳисобига гол ёздириб қўйган бўлса, бир оз вақт ўтиб, Лаутаро Мартинез “нераззури”нинг иккинчи голига муаллифлик қилди. Иккинчи бўлимда эса дарвозалар ишғол этилмади.

Қайд этиб ўтиш жоиз, 85-дақиқада ўзбекистонлик футболчи Элдор Шомуродов Заппанинг ўрнига майдонга туширилди.

“Интер” мавсумдаги иккинчи ғалабасини қўлга киритди. Шомуродов тўп сураётган “Кальяри” эса 1-турдаги дурангдан сўнг мағлубиятга учради.

А Серия

2-тур баҳси

28 август, душанба

“Кальяри” – “Интер” 0:2

Голлар: 0:1 – 21 Думфрис, 0:2 – 30 Мартинес.

“Кальяри”: Радунович, Заппа (Шомуродов, 85), Доссена, Оберт, Аужелло, Нандес, Янкто (Асси, 60), Макумбу, Ористанио (Ди Пардо, 46), Сулемана (Деёла, 85), Паволетти (Лувумбу, 35).

“Интер”: Зоммер, Думфрис (Куадрадо, 71), Дармиан, де Врей, Бастони, Димарко (Карлос Аугусто, 71), Мхитарян (Сенси, 82), Чалҳанўғлу, Барелла (Фраттези, 71), Тюрам (Арнаутович, 77), Мартинес.

Огоҳлантиришлар: Мхитарян (81), Лувумбу (81).