Қозоғистонда ўзбекистонлик ҳайдовчи бошқарувидаги фура енгил автомобиль билан тўқнашди. Оқибатда бир киши ҳалок бўлди, бир киши касалхонага ётқизилди. Бу ҳақда Zakon.kz хабар берди.
Авария Ақтўбе вилоятининг Самара-Чимкент трассасида 26 август куни юз берган. 24 ёшли ўзбекистонлик MAN юк машинаси ҳайдовчиси автомобиль йўлининг қарама-қарши чизиғига чиқиб кетган. У ерда фура 51 ёшли Россия фуқароси бошқарувидаги Lada Largus автомобили билан тўқнашган.
Зарба кучи оқибатида енгил автомобиль ён томонга учиб кетган ва йўл четида тўхтаб турган юк машинасига бориб урилган. Lada Largus ҳайдовчиси воқеа жойида вафот этган, унинг вояга этмаган йўловчиси турли тан жароҳатлари билан туман шифохонасига етказилган.
Ҳолат йзуасидан Қозоғистон Жиноят кодексининг 345-моддаси 3-қисми бўйича жиноят иши қўзғатилган.
“Дастлабки маълумотларга кўра, MAN ҳайдовчиси автомобилни чарчаган ҳолда бошқарган”, — дейилади хабарда.
Изоҳ (0)