Россиянинг Ленинград вилояти Киришский туманида 19 август куни Ўзбекистон фуқароси иштирокида йўл транспорт ҳодисаси юз берди. Бу ҳақда 78.ru хабар берди.
Маълум қилинишича, соат 18:30 атрофида Зуево—Новая Ладога автомобиль йўлининг 67-километрида 45 ёшли Ўзбекистон фуқароси Кia Sorento русумли автомашина бошқарувини йўқотиб, ариққа чиқиб кетган. Ҳодиса оқибатида автомобиль ағдарилиб кетган.
Ҳайдовчи ва унинг 41 ёшли йўловчиси олган тан жароҳатлари туфайли воқеа жойида ҳалок бўлган. Ҳозирда ЙТҲ юзасидан тергов ҳаракатлари олиб борилмоқда. Ҳодисанинг барча ҳолатларига ойдинлик киритилмоқда.
Изоҳ (0)