Буюк Британия Миллий жиноят агентлиги канадалик ошпазнинг эҳтимолий иштирокидаги 88 та ўлим ҳолатини текширмоқда. Бу ҳақда Тhе Guardian хабар берди.
Қайд этилишича, 57 ёшли Кеннет Лоу заҳар солинган пакетчаларни интернет орқали сотишда айбланмоқда.
Апрель ойида агентлик кўплаб одамлар интернет-дўконлардан ўз жонига қасд қилишга ёрдам берувчи моддаларни сотиб олаётгани ҳақида маълумот олган. Заҳарли моддага буюртма берган 232 нафар британиялик мижоз ҳақидаги маълумотлар Канадада Интерпол халқаро қидирув ташкилоти рўйхатига киритилган. Кейинчалик уларнинг 88 нафари вафот этгани маълум бўлди.
Канададаги тергов давомида ҳуқуқ-тартибот идоралари ходимлари элита меҳмонхоналардан бирининг ошпази Кеннет Лоу заҳар етказиб берувчи бўлганини фош қилди.
Май ойида у ҳибсга олинди ва 40 та мамлакатда ўз жонига қасд қилишни режалаштирган одамларга 1 200 дан ортиқ заҳар пакетчасини онлайн сотишда айбланди. Шу билан бирга, ушбу тўпламларнинг қанчаси заҳарли модда билан тўлдирилгани момаълум. АҚШ, Италия, Австралия ва Янги Зеландияда ҳам текширувлар олиб борилмоқда.
Канаданинг Онтарио провинциясидаги Пил минтақавий полициясининг айтишича, эркак интернетда натрий нитрит моддасини сотган, бу баъзан озиқ-овқат саноатида қўлланиладиган оқ кристалли модда бўлиб, “ҳаддан ташқари концентрланган модда кислородни камайтириши, нафас олишни бузиши ва ўлимга олиб келиши мумкин”. Канадалик эркак ниқоблар ҳам сотган.
Изоҳ (0)